حقيقة شركة TVI EXPRESS !!!!!!!!!!
نُشر بواسطة: Admin | مايو 12, 2013
صديق ليا عرض عليا اشترك في نظام TVI Express وهو نظام كما يقال بيتيح ليك الاستفادة من تخفيض على حجوزات الفنادق حول العالم وفي نفس الوقت فرصة للعمل من المنزل حيث كما يقاااال العائد كبيييير جدا يصل الى 10000 دولار في الاسبوع
قعدت مع بنت وقعدت تشرحلي الموضوع باختصار تدفع 1600 جنيه تاخد عضوية في الشركة وتجيب تحتك شخصين بس يعملوا عضوية زيك وتدخل في نظام بيقولوا عليه شبكي وهو ابعد ما يكون عنه ، ويستمر تدفق الاموال عليك ، للاسف الشديد الشباب الجديد في الحياة ومع صعوبة فرص التوظيف بيتعمله غسيل مخ بالارقام اللي بيتكلموا عنها وانها هيا الوسيلة الوحيدة عشان تحقق احلامك في عربية وجواز وغيره ..
طبعا الفكرة أول ما تعرضت عليا فهمت النصباية وسمعت منهم للاخر عشان افهم طريقة غسل المخ بتاعتهم وقولت لازم اعرف قرارها واحذركم منها قبل ما تقعوا في غلطة صديقي وتخسروا فلوسكم على الفاضي وكمان تخسروا حبايبكم ، بعد الفحص و البحث وخلافه طلع فعلا انها شركة نصب عالمية وتم حظرها في معظم الدول اللي راحتها منها استراليا وكندا وفرنسا
دا لينك أجنبي بيتكلم فيها عن نشئتها وبلاويها في بلدان كتير http://kschang.hubpages.com/hub/TVI-...when-and-where
دا حكم المحكمة في استراليا بوقف نشاط الشركة http://www.accc.gov.au/content/index...itemId/1019724
2011 إدانه كلاً من تيدي جستن وتينا بولين وديفيد سكانلون مؤسسي الشركة بتهمة خرق القوانين التجارية من خلال العمل بما يسمي TVI Express
ودا كمان شرح جميل من منتدى فتكات وصعب اني انقله كله http://forums.fatakat.com/thread2458427
كون اني درست اقتصاد واستثمار غير خبرتي في التسويق و طرق التسويق الجماعي بقول ان الفكرة مدمرة لاقتصاد الدولة كون انها مجرد اداة بتلم فلوس الناس وبيتم توجيهها لاعمال غير مشروعة زي تمويل الارهاب او مخدرات وغيره ، والاولى نعمل باللي ندفعه احنا واللي نقنعهم بالفكرة مشروع صغير نساعد بيه البلد
أرجوكم شير لكل الناس اللي تعرفوهم قبل ما المصيبة تكبر في مصر ، وانا بوعدكم ان الموضوع دا هيوصل لاكبر مسئول اقدر اوصله عشان نوقف المهزلة دي ...
افضحوووهم شييييييير