موظف فودافون يضرب العملاء .. اليكم القصة
نُشر بواسطة: Admin | أكتوبر 14, 2017
موظف فودافون يضرب العملاء .. اليكم القصة
نقلا عن صفحة بلطجة موظفو فودافون من اكتوبر 2017
النهارده روحت شركة فودافون فرع المساحه(الدقي)
في موظف هناك اسمه / كريم محمد دولار
شغال المفروض موظف في خدمة العملاء
قولتله عايز شريحه لبعض الخطوط اللي مش شغاله عندي في الشركه المهم عمل اجراء غلط
فقولتله انت غلطت و انا عايز اقدم شكوي
اسمك ايه مرضاش يقول الاسم
لقيت اسمه علي بادج القميص بتاعه
حاولت اكتب الاسم و اخده من البدج لقيته راح قايم زي الثور الهايج و ضربني بالروسيه في وشي زي ما انتو شايفين
روحت عملت تقرير طبي و رحت القسم عملت محضر
طبعا محامي فودافون قاله روح الصيدليه حط لزقه انت كمان علي قورتك و قول انك منصاب عشان يبقي محضر ضد محضر
👈الخلاصه ان ده منظري بعد ما اضربت في شركة فودافون الشركه المفروض انها محترمه و المفروض انها بتقدم خدمه لكن الحقيقه انها مشغله شوية بلطجيه